lipski (lipski) wrote,
lipski
lipski

Зварот да студэнтаў ЕГУ

Паважаныя студэнты!

На вялікі жаль, мусім паведаміць, што паводле рашэння Сенату мы больш не з’яўляемся супрацоўнікамі ЕГУ. Гэта пазбаўляе нас магчымасці надалей выкладаць Вам.

Не будзем лішні раз пераказваць сутнасць канфлікту, хочам толькі адзначыць, што бюракраты, на жаль, заўсёды перамагаюць небюракратаў, а сапраўдная акадэмічная свабода немагчымая ва ўмовах, калі яна выступае лозунгам, а не каштоўнасцю.

Ваш лёс нам неабыякавы, і таму мы гатовы і надалей падтрымліваць сувязі і аказваць неабходную акадэмічную і іншую дапамогу. Для гэтага будзе створана адпаведная on-line інфраструктура, пра што мы паведамім пазней. Мы таксама адкрытыя да непасрэдных сустрэчаў і абмеркаванняў.

Са свайго боку мы гатовы:
1. Кансультаваць па любых акадэмічных пытаннях,
2. Кансультаваць пры напісанні курсавых работ,
3. Прадстаўляць магчымасць стажыравацца ў даследчых і акадэмічных установах, з якімі мы маем сталую сувязь,
4. Прадстаўляць магчымасць для ўдзелу ў даследчых праектах, рыхтаваць публікацыі ў навуковых і аналітычных выданнях,
5. Спрыяць удзелу ў выдавецкіх, перакладчыцкіх і іншы праектах,
6. Кансультаваць на конт навучання ў магістэрскіх праграмах Еўропы і ЗША і інш.

Спадзяемся, што нашая далейшая праца прынясе супольную карысць.

З павагай,

Андрэй Казакевіч

Андрэй Ягораў

Сяргей Богдан

Дзяніс Мельянцоў

Аляксей Дзермант

Таццяна Чыжова

Таццяна Вадалажская
Tags: канфлікт у ЕГУ
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 13 comments